Ýaponiýa döwletinde iñ gadymy myhmanhana ýerleşýär. Myhmanhananyñ ady “Nişýama Onsen Keýunkan” bolup durýar. Gadymy myhmanhana Haýakawa obasynda ýerleşýär we 705-nji ýylda gurulýar. Myhmanhana Fudžiwara Mohitosynyñ maşgalasyna degişli bolup durýar we häzirki wagtda ony Fudžiwara Mohitosynyñ 52-nji nesli dowam etdirýär.
Irki döwürde açylan bu myhmanhana häzirki günlerde hem gelen myhmanlary kabul edýär. Bu ýerde termal çesmeler ýerleşýär we dynç almak üçin ähli mümkinçilikler döredilendir. Myhmanhanada 40-a golaý dynç-alyş otaglary, birnäçe hammamlar, olaryñ käbirleri açyk ýerlerde we galanlary bolsa ýapyk ýerlerde ýerleşdirilendir. Muña garamazdan, ýapon medeniýeti biziñ günlerimize çenli örän berk saklanyp gelipdir. Myhmanhanyñ içinde milli ýapon egin-eşiklerini geýmäge maslahat berýärler we termal suw bejergisini alýan adamlara ümsümligi berjaý etmelidigini ýatladýarlar. Soñky bejeriş-abatlaýyş işlerini 1998-nji ýylda geçirilipdir.
Myhmanhananyñ otaglarynda telewizor we internet ulgamlary geçirilmändir, munuñ maksady hem myhmanlaryñ rahat dynç almak üçin niýetlenendir. 2011-nji ýylda bu bina “Dünýäniñ iñ gadymy myhmanhanasy” diýlip, Ginnesiñ rekordlar kitabyna girizilipdir.