Urugwaýyň we Ekwadoryň milli ýygyndylary şu ýyl Katarda geçiriljek futbol boýunça dünýä çempionatyna gatnaşmaga hukuk gazandy. Şeýlelikde, Günorta Amerika sebitinden dünýä çempionatyna gatnaşjak ýene-de 2 ýygyndy belli boldy.
Ozal Braziliýa bilen Argentinanyň ýygyndylary dünýä çempionatyna gatnaşmak hukugyna eýe bolupdy.
Urugwaýyň ýygyndysy 17-nji tapgyrda Perunyň ýygyndysyny 1:0 hasabynda ýeňdi. Ekwador bolsa Paragwaýdan 3:1 hasabynda ýeňildi.
Jemleýji tapgyryň öňüsyrasynda Urugwaý bilen Ekwador 25 utuk jemledi we çempionata gatnaşmak hukugyna eýe boldy.
Urugwaýyň ýygyndysy bassyr 4-nji gezek dünýä çempionatyna gatnaşmak hukugyna eýe bolan bolsa, Ekwadoryň ýygyndysy öz taryhynda 4-nji gezek (ozal – 2002, 2006 we 2014 ýyllar) dünýä çempionatyna gatnaşýar.
Dünýä çempionaty-2022: Italiýa çempionata gatnaşyp bilmeýär