JEMGYÝET

Aziýa Kubogy–2027: ertir Türkmenistan Tailand bilen duşuşar.

Türkmenistanyň milli futbol ýygyndysy Bangkok şäherine bardy. Milli ýygyndymyz 31-nji martda Aziýa kubogy — 2027-niň saýlama tapgyrynyň toparlaýyn oýunlarynyň jemleýji duşuşygynda Tailandyň ýygyndysy bilen duşuşar.

Duşuşyk «Rajamangala» stadionynda geçiriler. Oýun Aşgabat wagty bilen sagat 17:30-da başlar.

Jemleýji tapgyryň öňüsyrasynda «D» toparyndaky iki toparyň hem 12 utugy bar, emma Türkmenistanyň ýygyndysy goşmaça görkezijiler, şol sanda özara duşuşygyň netijesi boýunça birinji orny eýeleýär: 2025-nji ýylyň iýun aýynda Aşgabatda Röwşen Meredowyň şägirtleri garşydaşyndan 3:1 hasabynda üstün çykypdy.

Toparda 6 utuk bilen Şri-Lankanyň ýygyndysy üçünji orunda barýar. Hytaý Taýbeýiniň ýygyndysynda bolsa utuk ýok.

«D» toparynyň ýeňijisi Saud Arabystanynda geçiriljek Aziýa kubogy — 2027-niň final tapgyryna gönüden-göni gatnaşmaga hukuk gazanar.

Related posts

Türkmenistanyň daşary işler ministri Burundi we Çadyň ministrleri bilen telefon söhbetdeşligini geçirdi

Ata Watan Eserleri

Ýewropa Bileleşigi Türkmenistana minnetdarlyk bildirdi

Türkmenistan Gazy eksport ediji ýurtlaryň forumynyň sammitine gatnaşdy

Ata Watan Eserleri