Ýewropa Bileleşigi koronawirusynyň täze görnüşi (Covid-19) sebäpli 8 ýurda jemi 2 milliard 650 million ýewro makro maliýe goldawyny berer.
Ýewropa Bileleşiginiň Geňeşi özara düşünişmek maksady bilen “Covid-19”-yň ykdysady täsirini çäklendirmek üçin 8 ýurda maliýe goldawyny bermek barada ylalaşylandygyny mälim etdi.
Albaniýa 180 million ýewro, Gruziýa 150 million ýewro, Iordaniýa 700 million ýewro, Kosowa 100 million ýewro, Moldowa 100 million ýewro, Çernogoriýa 60 million ýewro, Demirgazyk Makedoniýa 160 million ýewro we Ukraina 1,2 milliard ýewro makro maliýe goldawynyň beriljekdigi mälim edildi.