Tutuş dünýäde çilim çekmäge garşy göreş yzygiderli güýçlendirilýär. Bu ugurda Italiýa Respublikasynda hem degişli işler alnyp barylýar. Ýurduň esasy iri şäherleriniň biri bolan Milan şäherinde jemgyýetçilik ýerlerinde çilim çekmäge gadaganlyk girizildi.
Şäherde stadionlar, seýilgähler we awtobus duralgalary ýaly jemgyýetçilik ýerlerinde çilim çekmäge gadaganlyk girizmek hakyndaky düzgünnama güýje girdi.
Şoňa laýyklykda jemgyýetçilik ýerlerinde adamlaryň 10 metr golaýynda çilim çekmek gadagandyr. Bu düzgün bozulan halatynda 40 bilen 240 ýewro arasynda pul jerimesi salnar.
Milan şäheriniň häkimligi bu gadagançylygyň maksadynyň howanyň hapalanmagyny azaltmak we raýatlaryň saglygyny goramakdan ybaratdygyny belledi. Bu barada berlen beýanatda howanyň hapalanmagyna sebäp bolýan inçe bölejikleriň (PM) 7 göteriminiň çilim tüssesinden gelendigi aýdylýar.
Düzgünnama laýyklykda, 2025-nji ýylyň 1-nji ýanwaryndan çilim çekmek gadagançylygynyň ähli jemgyýetçilik ýerlerine ýaýradylmagy göz öňünde tutulýar.
Dünýäde bolup geçýän wakalardan habarly bolmak-bu döwrüň talaby!
