Fransiýanyň «France Football” žurnaly Ispaniýanyň “Real Madrid” toparynyň ozalky futbolçysy, häzirki wagtda bu topara tälim berýän Zinedin Zidanyň goly Çempionlar ligasynyň taryhyndaky iň owadan goly hasaplandy.
Zidan bu goly 2002-nji ýylda“Real Madrid” bilen “Baýer” toparynyň (2:1) arasynda geçirilen final duşuşygynda geçiripdi. Ýarym goragçynyň duşuşygyň birinji ýarymynyň ahyrynda geçiren goly ýeňiş getiren gollaryň biri boldy.
Zidan 2001-2006-njy ýyllar aralygynda Ispaniýanyň “Real Madrd” toparynda çykyş etdi. Şa toparynyň düzüminde ol Ispaniýanyň çempiony we 3 gezek Çempionlar ligasynyň kubogyny gazandy.
“France Football” UEFA Çempionlar ligasynyň taryhyndaky (1992-nji ýyldan 2020-nji ýyla çenli) iň oňat 50 goly saýlady.
Bu sanawda ikinji iň owadan gol 1999-njy ýylda “Fiorentinanyň” futbolçysy Mauro Bressanyň “Barselonanyň” derwezesine geçiren goly boldy.
Üçünjiligi bolsa, portugaliýaly hüjümçi Kristian Ronaldo eýeledi. Onuň 2017/2018-nji möwsümde “Ýuwentusyň” derwezesinden geçiren goly owadan gollaryň hatarynda öňdeligi eýeledi.