Umumy tapgyryň iň gowy sekiz topary göni 1/8 finala çykdy, 9-njy orundan 24-nji orna çenli ýerleşen klublar bolsa pleý-off saýlama tapgyrynda oýnar.
Futbol boýunça Çempionlar ligasynda umumy tapgyryň sekiz tapgyrynyň netijeleri boýunça ýeňiş ugrunda göreşi dowam etdirjek 24 topar belli boldy.
Umumy tapgyrda 36 topar gatnaşdy. Olaryň sekizi 1/8 finala çykdy. 9-njy orundan 24-nji orna çenli ýerleşen klublar 1/8 finala çykmak ugrunda pleý-off saýlama tapgyrynda duşuşarlar.
1/8 finala şu toparlar çykdy:
angliýaly “Arsenal” (24 utuk), germaniýaly “Bawariýa” (21), angliýaly “Liwerpul” (18) we “Tottenhem” (17), ispaniýaly “Barselona”, angliýaly “Çelsi” we “Mançester Siti”, portugaliýaly “Sporting” (hemmesi — 16 utuk).
Pleý-off tapgyrynda şu toparlar oýnar:
ispaniýaly “Real”, italiýaly “Inter” (ikisi hem — 15), fransiýaly “Pari Sen-Žermen”, angliýaly “Nýukasl” (ikisi hem — 14), italiýaly “Ýuwentus” we “Atalanta”, ispaniýaly “Atletiko” (hemmesi — 13), germaniýaly “Baýer” (12), germaniýaly Dortmundyň “Borussiýasy”, gresiýaly “Olimpiakos” (ikisi hem — 11), belgiýaly “Brýugge”, türkiýeli “Galatasaraý”, fransiýaly “Monako”, azerbaýjanly “Garabag” (hemmesi — 10), norwegiýaly “Budýe-Glimt” we portugaliýaly “Benfika” (ikisi hem — 9).
Pleý-off tapgyrynyň bije çekişligi 30-njy ýanwarda geçiriler. Ilkinji oýunlar 17–18-nji fewralda, jogap duşuşyklary 24–25-nji fewralda bolar. 1/8 finalyň ilkinji oýunlary 10–11-nji martda, jogap duşuşyklary bolsa 17–18-nji martda geçiriler.
Çempionlar ligasy — Ýewropadaky iň esasy klub ýaryşydyr. Ýaryşda iň köp ýeňiş gazanan topar ispaniýaly “Real” topary bolup durýar (15 gezek). Häzirki çempion — fransiýaly “PSŽ” toparydyr.