UEFA Çempionlar ligasynyň 1/8 final tapgyrynyň bijeleri çekildi. Ilkinji çekilen bijede Messili “PSŽ” bilen Ronaldoly “Mançester Ýunaýted” oýnamaly bolupdy. Ýöne bije çekişlikde goýberilen ýalňyşlyk sebäpli bijeler täzeden çekildi.
Şu gün UEFA-nyň merkezi edarasy bolan Nýon şäherinde Çempionlar ligasynyň 1/8 pleý-off tapgyrynyň bijeleri çekildi. Şol bijelere görä, bu tapgyrda duşuşjak toparlar mälim edildi.
Täzeden çekilen bijelere görä:
«Zalsburg» (Awstriýa) – «Bawariýa» (Germaniýa)
«Sporting» (Portugaliýa) – «Mançester Siti» (Angliýa)
«Benfika» (Portugaliýa) – «Aýaks» (Niderlandlar)
«Çelsi» (Angliýa) – «Lill» (Fransiýa)
«Atletiko» (Ispaniýa) – «Mançester Ýunaýted» (Angliýa)
«Wilýarreal» (Ispaniýa) – «Ýuwentus» (Italiýa)
«Inter» (Italiýa) – «Liwerpul» (Angliýa)
«PSŽ» (Fransiýa) – «Real Madrid» (Ispaniýa)
1/8 pleý-off tapgyrynyň ilkinji duşuşyklary 15-16-njy fewralda we 22-23-nji fewralda, jogap duşuşyklary bolsa 8-9-njy we 15-16-njy martda geçiriler. Ilkinji duşuşyklar ady birinji ýazylan toparlaryň meýdançasynda geçiriler.
atavatan-turkmenistan.com/cempionlar-ligasy-bijeleri-messi-bilen-ronaldo-yene-de-dususyar/