UEFA-nyň Çempionlar ligasynda “E”, “F”, “G” ve “H” toparçalarynda 2-nji tapgyryň duşuşyklary geçirildi.
Şol duşuşyklaryň çäklerinde “F” toparçasynda Angliýanyň “Mançester Ýunaýted” bilen Ispaniýanyň “Wilýareal” topary duşuşdy. “Mançester Ýunaýted” topary garşydaşyny 2:1 hasabynda ýeňdi.
“Old Trafford” stadionyndaky duşuşykda “Wilýareal” topary 53-nji minutda Pako alkaser bilen öňe saýlandy. Duşuşygyň 60-njy minutynda Aleks Telles we 90+5-nji minutynda Kristiano Ronaldonyň geçiren gollary “Mançester Ýunaýted” toparyna ýeňiş getirdi.
RONALDYNYŇ REKORDLARY
Şeýlelikde, bu duşuşyk Ronaldo üçin aýratyn ähmiýetli boldy. Ol Çempionlar ligasynda iň köp duşuşykda çykyş eden futbolçy boldy. Ol 178-nji duşuşygyny geçirdi. Ronaldo ozal “Real Madrid” toparynda bile oýnan derwezeban Iker Kasilýasdan öňe geçdi.
Bu duşuşykda 94:13-nji minutda tapawutlanan Ronaldo Çempionlar ligasynda iň soňky minutlarda ýeňiş pökgüsini geçiren futbolçy boldy.
Bu toparçanyň beýleki duşuşygynda “Atalanta” topary “Ýang Boýz” toparyny 1:0 hasabynda ýeňdi.