UEFA-nyň klub derejesindäki iň uly ýaryşy hasaplanýan Çempionlar ligasynda toparçalardaky 4-nji tapgyryň duşuşyklary geçirildi. “F” toparçasynda çykyş edýän we geçen ýylyň çempiony “Real Madrid” topary Ukrainanyň “Şahtýor” topary bilen 1:1 hasabynda deňme-deň oýnady.
Şeýlelikde, şa kluby toparçada 10 utuk jemläp, 1/8 finala çykmaga hukuk gazandy. Bu topar Çempionlar ligasynda 31-nji gezek toparçadan çykmagy başaran ýeke-täk topardyr. “Real Madrid” toparçalardaky duşuşyklarda ýeňlip, indiki tapgyra çykyp bilmän gelýän möwsümi ýok diýen ýalydyr.
Ispan topary Çempionlar ligasynda diňe ýeke gezek 1996/97 möwsüminde çykyş edip görmändi.
Şeýle hem Angliýanyň “Mançester Siti” topary hem öz toparçasynda 10 utuk toplap, indiki tapgyra çykmaga hukuk gazandy.
ÇEMPIONLAR LIGASYNDA GEÇIRILEN DUŞUŞYKLAR
E TOPARÇA
“Dinamo Zagreb” – “Zalsburg”: 1-1
“Milan” – “Çelsi”: 0-2
F TOPARÇA
“Seltik” – “Leipsig”: 0-2
“Şahtýor – “Real Madrid”: 1-1
G TOPARÇA
“Kopengagen” – “Mançester Siti”: 0-0
“Borussiýa Dortmund” – “Sewilýa”: 1-1
H TOPARÇA
“Makkabi Haýfa” – “Ýuwentus”: 2-0
“PSŽ” – “Benfika”: 1-1