UEFA-nyň Çempionlar ligasynyň ýarym finalynyň ilkinji duşuşyklary geçirildi. Onda Angliýanyň “Arsenal” topary öz meýdançasynda Fransiýanyň “PSŽ” toparyny kabul etdi. Ispaniýanyň “Barselona” topary bolsa, Italiýanyň “Inter” topary bilen duşuşdy.
“Arsenal” bilen “PSŽ” toparynyň duşuşygynda fransuz topary myhmançylykda 1:0 hasabynda utdy. Duşuşygyň ýeke-täk goluny toparyň ökde futbolçysy Usman Dembele geçirdi.
Ýarym finalyň beýleki duşuşygy köp gollylygy bilen tapawutlandy. “Barselona” topary bolsa öz meýdançasynda “Inter” toparyny kabul etdi. Duşuşyk 3:3 hasabynda tamamlandy. “Inter” topary duşuşygyň 31-nji sekundyndan Markus Týuram “Barselona” toparynyň derwezesine pökgüni gönükdirdi.
Soňra italýan toparynyň niderlandly futbolçysy Denzel Dumfris 2 gezek tapawutlandy.
“Barselona” toparynda Lamin Ýamal, Ferran Torres tapawutlandy. Rafinýanyň uzakdan derwezä gönükdiren pökgüsi derwezebana degip tora girdi.
Şeýlelikde, Fransiýanyň “PSŽ” topary bilen Italiýanyň “Inter” topary geljek hepde geçiriljek jogap duşuşyklary üçin artykmaçlyk gazandy.