UEFA guramasy 2020-nji we 2021-nji ýyllaryň Çempionlar ligasynyň final oýunlary üçin degişli kararlar kabul etdi. Şeýlelikde, häzirki möwsümiň final duşuşygy Portugaliýanyň Lissabon şäherinde oýnalar. 2021-nji ýylyň final oýuny bolsa, tomaşaçylar bilen Stambul şäherinde geçiriler.
Ýewropa futbol federasiýa bileleşigi (UEFA) Stambulda geçirilmegi göz öňünde tutulan 2019-2020-nji ýylyň möwsümindäki Çempionlar ligasy finalynyň 12-23-nji awgustda Lissabonda täze format esasynda ýagny, sekizlik final formaty esasynda oýnaljakdygyny mälim etdi. UEFA-nyň başlygynyň kömekçisi Giorgio Marketti bu barada şeýle diýýär:
«Çempionlar Ligasynda çärýek finallar, ýarym finallar we final oýunlary 12 we 23-nji awgust aralygynda Lissabonda geçiriler. Bu möwsümiň final oýuny üçin Stambul şäheri meýilleşdirilýärdi. Emma bu meýilnama üýtgedilip, 2021-nji ýylda final duşuşygyny Stambulda geçirmek meýilleşdirildi» — diýip, aýtdy.
Oýunlaryň tomaşaçylaryň hem gatnaşjagy barada heniz belli karar berilmedi. Bu soragda UEFA-nyň başlygy Aleksandr Çeferin şeýle diýýär:
«Final oýunlary tomaşaçylaryň gatnaşyp biljegi barada heniz karara gelinmedi. Oýunlaryň tomaşaçylar bilen geçiriljegi ýa-da geçirilmejegi baradaky karar iýul aýynyň ortasyna çenli mälim ediler» — diýip, aýtdy.
8-lik final formaty esasynda geçiriljek final oýunlar 12-23-nji awgustda geçiriler. 12 gün dowam etjek oýun, 12-15-nji awgustda çärýek final, 18-19-njy awgustda ýarym finaly, 23-nji awgustda bolsa final oýny oýnalar.