Türkmenistanyň howa menzilleriniň infrastrukturasynyň ösenligini göz öňünde tutup, onlarça daşary ýurt awiakompaniýalary agyr ýük laýnerlerinde söwda maksatly yzygiderli ýük gatnawlaryny amala aşyrýarlar. Şeýle awia ýükdaşaýjylaryň arasynda “CargoLux” ýaly iri awiakompaniýalar bar.
2015-nji ýylyň aprel aýynda Türkmenistan bilen Lýuksemburguň arasynda howa gatnawyny ýola goýmak baradaky ylalaşyk gazanylyp, Lýuksemburg – Aşgabat aralygy boýunça yzygiderli ýük gatnawlary ýerine ýetirilip başlady.
“Cargolux” awiakompaniýasy Ýewropada howa arkaly ýük daşamakda iri kompaniýa bolup, 2014-nji ýylda 10 göterimden gowrak ösüş depgini bilen dünýäde 7-nji orny eýeleýär hem-de 60-dan gowrak ugurlar boýunça yzygiderli we dünýäniň köp şäherlerine ýörite uçuşlary ýerine ýetirýär.
Geografik we ykdysady nukdaýnazaryndan Aşgabat halkara howa menzili üstaşyr we täjirçilik uçuşlary, şeýle hem ýangyç guýyp geçmäge we Merkezi Aziýada iri ýük we logistika merkezi hökmünde peýdalanmaga tehniki duralgalyk üçin ajaýyp ýerleşendir.
Bu barada “turkmenistaninfo.gov.tm” portaly habar berýär.