“CAFA Nations Cup” halkara ýaryşynyň final duşuşygy Özbegistanyň paýtagty Daşkent şäherindäki “Bunýedkor” stadionynda geçirildi. 34 müň futbol janköýeriniň gatnaşan bu final duşuşygynda Özbegistanyň milli ýygyndysy bilen Eýranyň milli ýygyndysy duşuşdy.
Merkezi Aziýa Futbol Assosiasiýasynyň kubogyny almak ugrunda geçirilen ýaryşa 7 topar gatnaşdy. olar – Türkmenistanyň, Özbegistanyň, Eýranyň, Owganystanyň, Gyrgyz Respublikasynyň, Täjigistanyň we Omanyň milli ýygyndylarydyr.
Bu kubok ugrundaky ýaryşlar 10-20-nji iýun aralygynda Özbegistanyň paýtagty Daşkent hem-de Gyrgyz Respublikasynyň paýtagty Bişkek şäherlerinde geçirildi. Her iki döwletiň paýtagtynda geçirilen duşuşyklarda ýeňiş gazanan toparlar finala çykdy.
Finalda Eýranyň ýygyndysy Özbegistanyň ýygyndysyny 1:0 hasabynda utdy. Duşuşygyň ýeke-täk goluny Serdar Azmun öz adyna ýazdyrdy. Ol duşuşygyň 48-nji minutynda tapawutlandy.
Bu ýaryşyň 3-nji orny üçin geçirilen duşuşykda Omanyň we Gyrgyz Respublikasynyň ýygyndylary duşuşdy. Ýakyn Gündogaryň ýygyndysy ýeňiş gazandy.