Bütindünýä saglyk güni mynasybetli şu ýylyň 7-nji aprelinde Aşgabat şäherinde geçirilmegi meýilleşdirilýän çärelere görülýän taýýarlyk baradaky hasabat Ministrler Kabinetiniň sanly ulgam arkaly geçirilen mejlisinde diňlenildi.
“Watan” habarlar gepleşiginde bellenilip geçilişi ýaly, Gahryman Arkadagymyzyň başlangyjy bilen 3-nji iýunyň Bütindünýä welosiped güni diýlip yglan edilmegi hem-de şu ýylyň 15-nji martynda ýurdumyzyň başlangyjy bilen Birleşen Milletler Guramasynyň Baş Assambleýasynyň 76-njy sessiýasynyň 61-nji mejlisinde «Durnukly ösüşi gazanmak üçin köpçülikleýin welosiped sürmegi jemgyýetçilik ulag ulgamlaryna girizmek» atly Kararnamanyň biragyzdan kabul edilmegi ýurdumyzyň sporty we bedenterbiýe-sagaldyş hereketini ösdürmekden gazanýan üstünliklerine halkara bileleşigi tarapyndan ýokary baha berilýändiginiň we ykrar edilýändiginiň aýdyň subutnamasydyr.
Welosiped binasyndan badalga alýan köpçülikleýin welosiped ýörişiň geçiriljek ugurlarynda medeniýet we sungat ussatlarynyň hem-de aýdym-saz toparlarynyň çykyşlary gurnalar.
Saglyk ýoluna köpçülikleýin ýörişi guramak hem-de “Saglygym-baş baýlygym” atly köpçülikleýin bedenterbiýe-sport we sagdyn durmuş çärelerini, ýaryşlary we görkezme çykyşlary geçirmek göz öňünde tutulýar.
Senagatçylar we telekeçiler birleşmesiniň sergisi guralar