Türkiýäniň futbol çempionatynyň iň ýokary ligasy bolan Superliganyň 6-njy tapgyrynyň çägindäki «Gaziantep» ― «Başakşehir» duşuşygy çempionatyň taryhyna girdi.
Duşuşykda «Gaziantep» myhman topary 1:0 hasabynda ýeňdi. Ýeňiş pökgüsini duşuşygyň heniz 10-njy sekundynda Muhammet Demir geçirdi. Şeýlelikde, bu gol Supeliganyň taryhynda iň ir geçirilen gol hökmünde taryha girdi.
Bu duşuşykdan soňra ýer eýeleri utugyny 8-e çykardy. Bu utuk topary ýaryş tertibiniň 10-njy basgançagynda ýerleşdirdi. Geçen tapgyrda «Fenerbahçeni» ýeňen «Başakşehir» bolsa şol duşuşykda alan 3 utugy bilen ýaryşyň 18-nji basgançagynda galdy.