K-pop topary bolan “BTS”, Maýkl Jeksondan soň aýdym-saz sanawynyň başynda bolan ilkinji daşary ýurtly topar bolmagy başardy. “BTS” topary “Kalbymyň kartasy: 7” atly soňky albomy bilen täze rekord goýdy.
“Independent” we “Somag News” habar gulluklarynyň habarlaryna görä, dünýä belli K-pop topary Maýkl Jeksonyň birnäçe ýyl ozal Ýaponiýada goýan rekordynyň täzelemegi başardy. “Kalbymyň kartasy: 7” albom çykandan birnäçe aý soň hem satuw sanawlarynda öňdeligi sürýär.
Maýkl Jekson 1984-nji ýylda meşhur “Triller” albomy bilen sanawyň başynda boldy. “Oriconyň” beren beýanyna görä, “BTS” 2020-nji ýylyň birinji ýarymynda Ýaponiýada jemi 429 müň nusgasyny satdy. Şu ýylyň fewral aýynda çykan “Kalbyň kartasy: 7” şu aýda “Oriconyň” gündelik, hepdelik we aýlyk albom satuw sanawlarynyň başynda boldy.
“BTS” geçen ýyl “Soul Map: Persona” albomy bilen 2019-njy ýylyň birinji ýarymynda gurnalan “Oricon” sanawynda üçünji ýeri eýeledi.