BTS atly meşhur koreý aýdym-saz topary Birleşen Milletler Guramasynyň Baş Assambleýasynyň 76-njy mejlisinde çykyş etdiler.
. Günorta Koreýanyň aýdym-saz toparynyň howanyň üýtgemegi, ýaş nesliň pandemiýa we sanjymlara garşy göreş usuly babatda eden çykyşy BMG-niň resmi “YouTube” kanalynda göni ýaýlymda görkezildi we 6 milliondan gowrak tomaşa edildi. Şeýle hem bu topar, BMG-niň baş binasynda düşüren şekilli aýdymyny hem tanyşdyrdy.
– Biz dünýä durdy, diýip pikir etdik. Emma ol öňe gitmegini dowam etdirýär. Biziň islendik kararymyz üýtgeşmeleriň başlangyjydyr – diýip, topar belläp geçdi.
Bu topar hemmeler üçin gowy geljegi döretmek üçin Ählumumy maksatlara ýetmekde tagallalary goldamak babatda çykyş etdiler.
2013-nji ýylda ilkinji gezek BTS topary özbaşdak döreden aýdym-sazlary we işjeňligi bilen bütin dünýäde tanaldy. Topar 2020-nji ýylda üç gezek “Billboard Hot 100” sanawynda öz ornuny aldy. Şeýle hem “Billboard Music Awards” we “MTV Music Awards” ýaly aýdym-saz sungaty äleiminiň naýbaşy baýraklaryna mynasyp boldular.