Bütindünýä Saglygy Goraýyş Guramasy koronawirusa garşy sanjymyň 2 dozasyny almagy maslahat berýär. Guramanyň immunizasiýa bölüminiň başlygy Keýt O’Braýen dürli sanjymlary ulanmagyň netijeleriniň entek öwrenilmändigini aýtdy.
Ol bu barada beren beýanatynda:”bu ugurda ylmy-barlaglar dowam edýär we ýakyn aýlarda bu barada maglumat alarys. Ýöne häzirlikçe, şol bir sanjymdan iki doza sanjym almagy maslahat berýäris” diýip belledi.
Sanjym edilenden soňra koronawirusdan goramagyň dowamlylygy baradaky sowala O’Braýen bu ugurda ylmy-barlaglaryň geçirilýändigini belläp, “COVID-19” ýokanjyna garşy sanjymlarynyň takmynan 1 ýyl mundan ozal işlenip düzülendigini, şonuň üçin sanjymyň näçe wagta çenli goraglylygy babatda degişli işleriň geçirilýändigini belledi.