Braziliýanyň milli ýygyndysynyň täze tälimçisi belli boldy. Ol häzirki wagtda “Real Madrid” toparyna tälim berýän Karlo Ançelotti bolar.
Braziliýanyň Futbol federasiýasynyň ýolbaşçysy Ednaldo Rodrigues Karlo Ançelotti bilen ylalaşandyklaryny habar berdi. Rodrigues 2023-24 möwsüminden soň Braziliýanyň milli ýygyndysyna ýolbaşçylyk etjekdigini mälim etdi.
Şol bir wagtda Fernando Diniz Braziliýanyň milli ýygyndysyna bir ýyl wagtlaýyn tälimçisi wezipesine bellendi.
Karýerasynda “Real Madrid”, “Ewerton”, “Napoli”, “Bawariýa”, PSG, “Çelsi”, “Milan” we “Ýuwentus” ýaly dünýäniň öňdebaryjy futbol toparlaryna tälim beren 64 ýaşly tälimçi ilkinji gezek milli ýygynda tälim berer.
Braziliýa 2026-njy ýyldaky dünýä çempionatynyň saýlama oýunlary boýunça ilkinji duşuşygyny sentýabr aýynda Boliwiýa bilen geçirer.