Angliýanyň “Mançester Siti” toparynyň derwezebany Klaudio Brawo bu toparda çykyş etmegini bes etdi. Toparyň resmi web sahypasynda 37 ýaşly çilili derwezeban bilen hoşlaşylandygy hem-de oňa geljekdäki karýerasynda üstünlik arzuw edilendigi mälim edildi.
Klaudio Brawo 2017-nji ýyldan bäri “Mançester Siti” toparynda çykyş edip gelýärdi. Jemi 61 duşuşykda toparyň derwezesini gorady. Brawo Çiliniň milli ýygyndysynyň düzüminde 123 gezek meýdança çykdy. Käbir maglumatlara görä derwezenan “Real Betis” toparyna geçip biler.