Hormatly Prezidentimiz Russiýa Federasiýasynyň Tatarystan Respublikasyndan ýurdumyza gelip gowşan “Ansat” kysymly şäher ilaty üçin niýetlenilen lukmançylyk maksatly täze we döwrebap dikuçar bilen tanyşdy. Şol ýerde ýurdumyzyň saglygy goraýyş we derman senagaty ministri N. Amannepesow ýene-de bir hoş habary ýetirdi. Bu barada “Watan” habarlar gepleşiginde bellenilip geçildi.
Ministriň habar berşi ýaly, ýurdumyzda näsagda böwrek çalyşmak boýunça ilkinji transplantasiýa operasiýasynyň üstünlikli geçirilendigi barada hoş habary aýtdy. Bu operasiýa ýerli hünärmenlerimiz tarapyndan amala aşyryldy.
Häzirki döwürde näsagyň ýagdaýy kanagatlanarly bolup, lukmanlaryň gözegçiliginde saklanýar.
Hormatly Prezidentimiz bu habary kanagatlanma bilen kabul edip, operasiýanyň üstünlikli geçmegi bilen tüýs ýürekden gutlady. Munuň özi milli lukmanlarymyzyň hem-de saglygy goraýyş ulgamynyň gazanan uly üstünligi diýip, milli Liderimiz belledi.