Kriptowalýuta her hepde kem-kemden ýokarlanmagyny dowam etdirýär. Ýaňy-ýakynda biz bu kriptowalýutanyň ilkinji gezek 20 müň dollardan geçendigi barada habar beripdik. Indi bolsa kriptowalýutanyň taryhynda ilkinji gezek bitkoinyň bahasy 28 müň dollara ýetdi. Bitkoinyň bahasynyň ösmegi, dünýäde koronawirus keseliniň ýaýramagyna gabat geldi. Ýaz paslynda kriptowalýutanyň bahasy 4-5 müň dollar aralygynda saklanypdy, emma koronawirusyň ýaýramagy sebäpli käbir ýurtlarda onuň bahasy 5 esse artdy. Bitkoinyň öňki rekordy 2017-nji ýylyň ahyrynda hasaba alynypdy. Şol mahalda kriptowalýutanyň bahasy 20 müň dollara ýetip, gysga wagtyň içinde pese düşüpdi. “PayPal“ atly iň uly töleg ulgamy bolsa, özüniň sistemasyna bitkoini goldaýan funksiýasyny hem goşdy. 2021-nji ýylda kriptowalýutalar beýleki ýurtlarda işe giriziler we tölegleri tölemek üçin ulanylar.
Sungat we medeniýet ulgamyna degişli täzelikler medeniýet sahypamyza ýerleşdirilendir!
