Hydyr gören topragynda oturan,
Säheriniň ak daňyny ataran.
Merdana ilini bagta ýetiren,
Bitarap Watanym-Türkmenistanym!
***
Ýollar uzaýandyr, röwşen geljege
Diller dessan saýrar beýik gerçege.
Türkmen joşa gelýär,
bu gün gör ýene,
Bitarap Watanym-Türkmenistanym!
***
Her döwrüni şöhratlara getiren,
Pederleriň gaýratyny göteren,
Arkadag pähminden bagta ýetilen,
Bitarap Watanym-Türkmenistanym!
***
Ganatlara beslenýändir göwünler,
Bir-birinden, zyýat geler döwürler.
Yhlasyndan,
ylhamlara öwürlen,
Bitarap Watanym-Türkmenistanym!
***
Berkararlyk, bagtyýarlyk guwanjy,
Heňňam bolan asyrlaryň daýanjy.
Alym,
Arkadag dur başynda täji!
Bitarap Watanym-Türkmenistanym!
***
Sährasyna tagmasyny siňdiren,
Namys diýip, goja zemin gezdiren.
Ak şährini, messan eýläp söýdüren,
Bitarap Watanym-Türkmenistanym!
***
Baýlygym sen,
barlygym sen,
arkam sen,
Ýedi yklym soňlanmajak sarpam sen.
Mukaddes duzuňy,
Hakdan haklar men,
Bitarap Watanym-Türkmenistanym!