Birleşen Arap Emirlikleriniň Dubaý şäheriniň häkimiýeti 2022-nji ýylyň 1-nji iýulyndan dükanlarda, restoranlarda, dermanhanalarda we internet dükanlarynda ulanylýan bir gezek plastik torbalar üçin töleg girizýändigini mälim etdi.
Bu çäre daşky gurşawy goramak hem-de şäheriň ýaşaýjylaryny plastik torbalary ulanmakdan ýüz öwürmek maksady üçin geçirilýär.
Bir gezek plastik torbalar üçin töleg tarifi 25 emirat filsi – ýagny, takmynan t sent bolar. Ýene-de 2 ýyldan Dubaýyň häkimiýeti plastik torbalary doly ulanmakdan ýüz öwürmegi maksat edinýär.
Plastik torbalaryň ýaramaz täsirleri barada hem birnäçe maglumatlar berildi. Hususan-da, pyşbagalaryň 86 göteriminiň, düýeleriň takmynan 50 göteriminiň plastik torbalary iýmek arkaly ýok bolup gidýändigi bellenildi.