ABŞ-nyň Prezidenti Jo Baýden maý aýynda Ýaponiýada we Koreýa Respublikasynda saparda bolar. Bu barada Ak Tamyň metbugat sekretary Jen Psaki habar berdi.
– Prezidenti Jozef Baýden 20-24-nji maý aralygynda Koreýa Respublikasynda we Ýaponiýada saparda bolar. Bu sapar ABŞ bilen bu ýurtlaryň arasyndaky gatnaşyklary mundan beýläk-de pugtalandyrmaga gönükdirilendir – diýlip, Psaki belleýär.
Bellenilip geçilişi ýaly, Baýden bu saparynyň çäklerinde ýurtlaryň ýolbaşçylary bilen ikiçäk duşuşyklaryny geçirer. ABŞ-nyň Prezidenti Koreýa Respublikasynyň täze saýlanan Prezidenti Ýun Sok Ýel we Ýaponiýanyň Premýer-ministri Funio Kisida bilen duşuşar.
Duşuşyklarda howpsuzlyk, ykdysady gatnaşyklary pugtalandyrmak, takyk netijeleri almak üçin hyzmatdaşlyklary ýygjamlaşdyrmak ýaly ugurlardaky meseleler boýunça pikir alşarlar.
Baýden bu saparynyň çäklerinde Tokioda Awstraliýanyň we Hindistanyň ýolbaşçylary bilen hem duşuşar.