Germaniýanyň “Bawariýa” topary ýurduň futbol boýunça milli çempionatynyň gyşky möwsüminiň çempiony boldy. Bu topary çempionatyň 16-njy tapgyrynda “Ştutgart” topayrny 5:0 hasabynda ýeňdi. Bu duşuşykda Serž Gnabri 3 gezek, Robert Lewandowski bolsa 2 gezek tapawutlandy.
Şeýlelikde, Robert Lewandowski 2021-nji ýylyň iň köp gol geçiren futbolçylarynyň sanawynda arany açyp barýar. Onuň geçiren gollarynyň sany 68-e ýetdi.
“Bawariýa” topary çempionatyň gyşky möwsüminiň çempiony diýsek hem bolar. Olar 16 tapgyryň ahyrynda 40 utuk jemledi. Ikinji orunda barýan “Borussiýa” topary 15 tapgyrda utuklarynyň sanyny 31-e ýetirdi.
Gyşky möwsümdäki arakesme üçin ýene-de bir tapgyr galdy. Ol hem 17-19-njy dekabr aralygyda oýnalar.
Şondan soňra ýurduň çempionatynda 2022-nji ýylyň 7-nji ýanwaryna çenli dynç alyş yglan ediler.
“Bawariýa” topary 24-nji gezek gyşky möwsümiň çempiony boldy. Bu topar gyşky möwsümi birinji tamamlap, 21 gezek ýurduň çempiony bolmagy başardy.