Birleşen Arap Emirlikleri Mars planetasyna kosmos zonduny iberer. Bellenip geçilişi ýaly, ozal diňe ABŞ, Hindistan, Russiýa we Ýewropa kosmos gullugy Marsa ylmy-barlag işlerini geçirmek üçin kosmos zonduny üstünlikli iberip bildiler.
Häzirki wagtda Hytaý bilen arap dünýäsinden BAE ilkinji gezek kosmos zonduny Marsa ibermäge taýýarlyk görýär.
Marsa iberiljek zond Gyzyl planetanyň howasynyň dinamikasy barada düşünje berer, şeýle hem bu planeta barada möhüm maglumatlar edinmäge mümkinçilik berer.
Birleşen Arap Emirlikleriniň bu babatda ABŞ-nyň ýokayr okuw mekdepleri bilen hyzmatdaşlykda kosmos zonduny taýýarlady. Bu zondy gysga wagtda Marsa ibermek göz öňünde tutulýar.
Mälim bolşy ýaly, Birleşen Arap Emirlikleriniň Dubaý şäheriniň golaýynda Marsa meňzeş şäherçe döretmek göz öňünde tutulýar. Bu şäherçäniň gurluşygy üçin 136 million dollar sarp ediler. Onda Mars planetasynyň şertlerinde suwy we azyk harytlaryny, şeýle hem energiýany saklamagyň usullary öwreniler.