Satmak – satyn almak şertnamasyny ýazdyrmazdan öň:
- Awtoulagy Awtoulaglaryň tehniki ýagdaýlaryny anyklaýyş merkezinden ýa-da onuň ýerlerdäki nokatlaryndan awtoulagy gözden geçirmeli.
- Awtoulagy satýan raýatyň awtoulagyň bellige alnanlygy hakynda güwänamasy esasynda sürüji tarapyndan ýol hereketiniň kadalarynyň bozulanlygy üçin jerimäniň ýokdygy barada bellik etdirmeli.
Awtoulaglary fiziki şahslar tarapyndan satmak- satyn almak (pasportynyň asyl nusgalary bilen satyjynyň we alyjynyň hökmany gatnaşmagynda) amallary PÝGB-niň Bellige alyş we synag bölümçesinde we onuň ýerlerdäki nokatlarynda amala aşyrylýar. Eger-de awtoulagyň eýesi Döwlet notarial edarasynyň üsti bilen başga bir raýata awtoulagy satmaga, alyş-satyş şertnamasyna özüniň adyndan gol çekmäge, PÝGB-de öz ýerine wekili bolmaga ynanýandygy barada ynanç haty beren ýagdaýynda ulagyň eýesiniň pasporty ýa-da onuň nusgasy bolmagy hökmandyr.
17.06.21 y · Türkmenistanyň Içeri işler ministrligi