Türkmenistanyň Demir ýol ulaglary ministrliginiň edara binasynda Türkmenistanyň demir ýol ulaglarlary ministri Mämmet Akmämmedowyň ýolbaşçylygynda we Ýewropanyň demir ýol ulaglary Maýa goýum bankynyň wekilleriniň gatnaşmagynda ikitaraplaýyn duşuşyk geçirildi.
Duşuşygyň maksadynda şu aşakdakylar göz öňünde tutulan:
1) Türkmenistanyň demir ýol infrastrukturasyny ösdürmekde we döwrebaplaşdyrmakda hyzmatdaşlygyň mümkinçiliklerini ara alyp maslahatlaşmak.
2) Ýük daşamak amallarynda açyklygyň üpjün edilmeginiň, şeýle hem infrastruktura baglanyşygynyň we tranzit mümkinçiligini ýokarlandyrmak üçin päsgelçilikleri aradan aýyrmagyň möhümdigini göz öňünde tutup, sanly demir ýol ulgamynyň döwrebaplaşdyrylmagyny Ýewropa Maýa Goýum Bankyndan maliýeleşdirmegiň mümkinçiliklerini öwrenmek
3) Ýük daşamak kuwwatyny ýokarlandyrmak üçin Türkmenistanyň demir ýol administrasiýasy EIB-den karz almak mümkinçiligini öwrenmek
4) Wagonlar, teplowozlar we aragatnaşyk bölekleri üçin ätiýaçlyk şaýlar üçin karz almak mümkinçiligini maslahatlaşmak göz öňünde tutuldy.
Şonuň bilen baglylykda Türkmenistanda demir ýol ulaglary ulgamynda infrastruktura taslamalaryna tehniki kömek bermek boýunça hyzmatdaşlygyň çäklerinde bar bolan Aşgabat — Daşoguz demir ýoluny döwrebaplaşdyrmak üçin karz almak mümkinçiligi, şeýle hem tehniki-ykdysady esaslandyrmany (TES) taýýarlamak üçin grant serişdelerini bölüp bermegiň mümkinçiligini göz öňünde tutmak ýaly birnäçe meseleler maslahatlaşyldy.