Dünýä belli aktýor Arnold Şwarsnegger “Promobot” atly rus kompaniýasyny özüne meňzeş robot ýasandygy sebäpli kazyýete berip, 10 million dollar möçberinde öwez tölegini talap edipdir. Bu robot Arnoldyň hakyky ýüzüne meňzeş edilip ýasalyp, onuň goýy reňkli saçy we aktýoryň äňindäki çyzgynyň hem meňzeşdigi mälim edildi
Şwarsneggeriň aklawjysy kompaniýa ýörite hat üsti bilen ýüz tutdy. Onuň hatynda mundan beýläk şeýle robotlary ýasamagy bes etmek we hiç bir şahsyýete meňzetmän ýasamak babatda bellikler aýdylyp geçilipdir.