Geçen möwsümde Aziýanyň Futbol konfederasiýasynyň Çagyryş ligasynyň ýeňijisi bolan «Arkadag» topary «AFK-nyň Çempionlar ligasy — 2» bäsleşiginde taryhy netije gazandy.
Aziýa yklymynyň abraýly bäsleşiginde çykyş edýän ýurdumyzyň çempiony «Arkadag» topary toparçalaýyn bäsleşigiň jemleýji, bäşinji tapgyrynyň çäginde geçirilen duşuşykda Bahreýniň «Al-Haldiýa» toparyndan 1:0 hasabynda üstün çykyp, utulan-çykdy tapgyryna çykmagy başardy. Toparymyza ýeňiş getiren goly oýnuň 45-nji minutynda Ýazgylyç Gurbanow öz adyna ýazdyrdy.
Toparçalaýyn bäsleşigiň netijesinde, “B” toparçada 10 utuk toplan «Al-Ahli» (Katar) topary birinji orny eýeledi. 7 utugy bolan “Arkadag” topary bolsa utulan-çykdy bäsleşiginde çykyş etmäge mümkinçilik berýän ikinji orny eýelemegi başardy.