Türkmenistanyň çempiony «Arkadag» futbol topary Kataryň «Al-Ahli» topary bilen AFK-2 Çempionlar ligasynyň toparlaýyn tapgyrynyň üçünji duşuşygynda myhmançylykda 2:2 hasabynda deňme-deň oýnady.
Ýer eýeleri Mateý Mitrowiç (41-nji minut) we Mişel Wlap (56-njy minut) bilen 2:0 hasabynda öňe saýlandy. Muňa garamazdan, ruhdan düşmän erjel oýun görkezen “Arkadag” topary Baýram Ataýewiň (79-njy minutda) we Mekan Saparowyň (90+1-nji minutda) geçiren gollary bilen hasaby deňledi.
Toparça beýleki duşuşygynda Özbegistanyň «Andijan» topary öz meýdanynda Bahreýniň «Al-Haldiýa» klubuny kabul etdi. Oýun 0:0 hasabynda tamamlandy.
Üç tapgyrdan soň «Al-Haldiýa» 5 utuk bilen toparça öňdeligi saklaýar. «Andijan» bilen «Al-Ahli» 3 utukdan toplady. «Arkadag» topary bolsa 2 utuk bilen barýar.
“Arkadag” topary nobatdaky duşuşygyny 5-nji noýabrda “Arkadag” stadionynda geçirer.