ARKADAG ŞÄHERI – YLHAM
Arkadag şäheri–bagtyň şäheri
Geçmişe, geljege röwşen ýagtydyr,
Arkadag şäheri – bagtyň şäheri.
Halkymyzyň berkarlyk bagtydyr,
Arkadag şäheri – bagtyň şäheri.
Watan yşky ýaşaýandyr göwünde,
Bagtyýarlyk rowaçlyk bar bu günde,
Bilbiller saýraşýar bagu gülünde,
Arkadag şäheri – bagtyň şäheri.
Güneş nury deýin saçyp ýalkymy,
Görmäne göz gerek seniň görküňi,
Gözelligiň haýran edýär her kimi,
Arkadag şäheri – bagtyň şäheri.
Kalbymy joşdurýar seýilbaglaryň,
Asuda parahat gözel çaglaryň,
Geljege ynamly uzan ýollaryň,
Arkadag şäheri – bagtyň şäheri.
Ösüşlere besläp her güni aýy,
Ynam bilen barýas geljege sary,
Ýurdunda döreden jenneti-jaýy,
Arkadag şäheri–bagtyň şäheri.
Nurgeldi ILGELDIÝEW
Daşoguz welaýatynyň Köneürgenç etraby