ABŞ-nyň Gymmatly kagyzlar we birža komissiýasynyň habaryna görä, “Apple” kompaniýasynyň baş direktory Tim Kukuň 2021-nji ýyldaky ýyllyk girdejisi 98,7 million dollar diýlip yglan edildi. Kuk bu girdejisi bilen öňki ýyl bilen deňeşdirilende 550 göterim ösüş gazandy.
Her ýylda 3 million dollar zähmet haky alan Kukuň 82 million we 13 million dollarlyk gymmatly kagyzlary hem hasabata goşuldy. Kukuň bu girdejisi bir öňki ýyla garanyňda, 550 göterim köpdür.
ABŞ-nyň meşhur Silikon jülgesindäki ägirt uly tehnologiýa kompaniýalarynyň ýolbaşçylarynyň gazanýan girdejileri barada köp habarlar ýaýradylýar. “Tesla” kompaniýasynyň baş direktory Ilon Maskyň 2020-nji ýylda “0 dollar” we “Meta” kompaniýasynyň baş direktory Mark Zukerbergiň “1 dollar” aýlygynyň bolandygy mälim edilen döwründe Kukuň girdejisiniň uly bolmagy hemmeleriň ünsüni çekdi.