Türkmenistanyň Türkiýe Respublikasyndaky Ilçihanasy tarapyndan Türkmenistanyň hemişelik Bitaraplygynyň 25 ýyllygy mynasybetli Türkmenistanyň hemmetaraplaýyn ösüşini beýan edýän wideorolikler Türkiýe Respublikasynyň Medeniýet we syýahatçylyk ministrliginiň edara binasynyň öňündäki uly led ekranda ýerleşdirildi. Türkmenistanyň Türkiýe Respublikasyndaky Ilçihanasynyň web saýtynda aýdylyşyna görä, bu rolikleriň yzygiderli görkezilmegi dowam etdirilýär. Led ekranyň ýerleşýän köçesi Türkiýäniň birnäçe ministrlikleriniň binalarynyň ýerleşýän we Ankaranyň iň uly köçeleriniň biri bolup durýar.
Bu çäre Türkiýe Respublikasynyň paýtagtynyň ýaşaýjylaryna we myhmanlaryna Türkmenistanyň syýasy, ykdysady we medeni ösüşi, ýurdumyzyň bitaraplyk syýasaty, onuň durnuklylygy, howpsuzlygy we parahatçylygy üpjün etmekdäki orny bilen ýakyndan tanyşmaga mümkinçlik berýär.
Şeýle hem şäheriň birnäçe ýerlerinde uly ekranlarda Türkmenistanyň Bitaraplygynyň 25 ýyllygy baradaky bannerler ýerleşdirildi.
