Bu barada Germaniýanyň hökümetiniň wekili Şteffen Zaýberg brifingde habar berdi.
Onuň aýmagyna görä, Merkel 20-nji awgustda Moskwa barar. Maksatnamanyň anyklyklary indiki hepde yglan ediler, ýöne onuň prezident Putin bilen duşuşjakdygy aýdyňdyr.
Moskwa tarapyndan berlen beýanata görä, Russiýanyň döwlet Baştutany Merkel bilen ikitaraplaýyn gatnaşyklaryň ösüşini, şeýle hem halkara we sebitleýin meselelerini ara alyp maslahatlaşmak isleýär.
Şeýle hem, Merkeliň 22-nji awgustda Ukraina sapary meýilleşdirilýär. Ukrainanyň Prezidentiniň metbugat kätibi Sergeý Nikiforowyň sözlerine görä, Wladimir Zelenskiý bilen boljak duşuşykda «Demirgazyk akymy ― 2» we Donbassdaky ýagdaý ara alnyp maslahatlaşylar.
Merkeliň daşary ýurtlarada kansler hökmünde soňky saparlaryny amala aşyrmagy hem ahmal. Sentýabr aýynda Germaniýada saýlawlar geçiriler.