ABŞ-nyň Aşgabatdaky Ilçihanasy 2026–2027-nji ýyllar üçin Fulbright Teaching Excellence and Achievement (TEA) Programmasyna açyk bäsleşigiň başlandygyny yglan etdi. Bu programma halkara mugallymlaryna öz ugurlary boýunça hünär derejesini ýokarlandyrmak, okatmagyň usullaryny kämilleşdirmek we Amerikanyň Birleşen Ştatlary barada bilimini artdyrmak üçin özboluşly mümkinçilikleri hödürleýär.
Saýlanan gatnaşyjylar 2027-nji ýylyň ýanwar ýa-da sentýabr aýlarynda başlanýan alty hepdelik maksatnama gatnaşmak üçin ABŞ-a sapar ederler. Bu dereje berilmeýän akademiki maksatnama bolup, okatmagyň metodologiýasy, sapak meýilnamalarynyň taýýarlanylmagy, okatmagyň strategiýalary, şeýle-de kompýuterleriň internet, tekst redaktirleme we okatmak guraly hökmünde ulanylmagy boýunça okuwlary we intensiw taýýarlygy öz içine alýar.
Saýlanan mugallymlar ABŞ-daky kabul ediji uniwersitetde ýöriteleşdirilen magistr derejeli seminarlara gatnaşarlar; orta mekdeplerde sapaklara syn ederler, bilelikde sapak bererler we öz tejribelerini amerikan kärdeşleri bilen paýlaşarlar; beýleki gatnaşyjylar bilen onlaýn hünär okuw jemgyýetine goşularlar; şeýle-de maksatnama döwründe dürli bilim we medeni çärelerde iştirak ederler.
Stipendiýa doly maliýeleşdirilýär we aşakdakylary üpjün edýär:
TOEFL synag tölegini
J-1 wizasy boýunça goldaw
Sapar öňi taýýarlyk duşuşygyny (Pre-Departure Orientation – PDO)
ABŞ-a we ABŞ-nyň içinde iki taraplaýyn awiapetekleri
Garşy alyş duşuşygyny we maksatnamanyň ahyryndaky seminar
Akademiki maksatnama töleglerini
Bir jynsdan bolanlar bilen bilelikde ýaşaýyş we nahar
Betbagtçylyk we kesellemek ýagdaýlary üçin lukmançylyk ätiýaçlandyrmasy
Ýerli mekdeplere ulag hyzmaty
Uniwersitetdäki okuw döwründe gündelik harajatlar üçin günlük töleg
Sapar üçin goşmaça töleg
Uçurumlar çärelerine gatnaşmak mümkinçiligi
Dalaşgärler:
Iň azyndan bäş ýyl iş tejribesi bolan doly iş wagtyndaky orta mekdep mugallymlary ýa-da dil merkezleriniň mugallymlary (Iňlis dili, daşary ýurt dilleri, žurnalistika, aragatnaşyk, STEM – ylym, tehnologiýa, inženerçilik we matematika, jemgyýetçilik dersleri, ýörite bilim we ýerli ilata hyzmat edýän beýleki edaralar);
12–18 ýaş aralygyndaky okuwçylara sapak berýän bolmaly (eger beýleki derejelere hem sapak berýän bolsa, iş wagtynyň 50%-den gowragy orta ýa-da ýokary mekdep okuwçylaryna degişli bolmaly);
Maksatnama tamamlanandan soň iň azyndan bäş ýyl mugallymçylyk işini dowam etdirmegi meýilleşdirýän bolmaly;
Arza tabşyrylýan we maksatnama gatnaşylýan döwürde Türkmenistanda ýaşap, işläp ýören bolmaly;
Maksatnama tamamlanandan soň okatmagy dowam etdirmäge ygrarlylygyny görkezmeli;
Doly doldurylan arza tabşyrmaly.
Bilim edaralarynyň ýolbaşçylary (Bilim ministrliginiň wekilleri ýa-da wezipelileri ýaly), wagtynyň azyndan 50%-inde sapak bermedik mekdep ýolbaşçylary, doly iş wagtyndaky mugallym tälimçileri, uniwersitet mugallymlary, hususy Iňlis dili mugallymlary we esasan daşary ýurtlularyň okaýan mekdeplerinde işleýänler bu maksatnama gatnaşyp bilmeýärler.
Dalaşgärler aşakdakylara eýe bolmaly:
Uniwersitet diplomyna ýa-da şoňa deň derejä;
Iň azyndan bäş ýyl sapak bermek tejribesine;
TOEFL boýunça iň az bal: kagyz görnüşinde 450, internet arkaly 45 (synag maksatnamanyň çäginde üpjün ediler).
Aşakdaky mugallymlaryň arzalary aýratyn höweslendirilýär:
Kämil hyzmat edilmeýän ýa-da adaty ýagdaýda az wekilçilik edilýän toparlardan bolan ýa-da şol okuwçylar bilen işleýänler (zenanlar, etniki, dini, geografik azlyklar, maýyplar we başgalar);
ABŞ-a syýahat etmek mümkinçiligi az ýa-da asla bolmadykler;
Öň Fulbright mugallym stipendiýasyny almadyklar;
Soňky bäş ýylyň dowamynda ABŞ-da 9 aýdan köp bolmadyk (okuw, okatmak, ylmy iş ýa-da iş) tejribesi bolanlar.
Arza tabşyryş:
2027-nji ýyl üçin Fulbright Teaching Excellence and Achievement Programy boýunça arzalar 2026-njy ýylyň 15-nji fewraly, sagat 23:59-a çenli kabul edilýär.
Arza görnüşini (PDF 2 MB), Edara goldawy we maslahat haty görnüşini (PDF 559 KB), Fulbright TEA Rugsatnama görnüşini (PDF 291 KB) we dalaşgärler üçin onlaýn arza gollanmasyny (PDF 1 MB) şu ýerden ýükläp alyp bolýar ýa-da AshgabatEducation@state.gov
elektron poçta salgysyna ýüz tutup bolýar.
Mahabat:
Halkara okuw resminamalaryň terjime hyzmaty : Makul Terjime
Daşary ýurtda bilim almak isleýän talyplaryň resminamalaryň dogry we takyk terjime edilmegi wajyp bolup durýar. Şu maksat bilen Türkiýede we dünýäniň dürli künjeginde bilim almak isleýän talyplar halkara okuw resminamalaryň terjimesi ulgamynda ýöriteleşen “Makul Hyzmat” Terjime Merkeziniň Aşgabat şäherindäki merkezlerine ýüz tutup bilerler.
“Makul Hyzmat” Terjime Merkezi
Aşgabat, Oguzhan (Aýtakow)-Ankara (Ýubileýni) köçesi, A Blok,
Makul Hyzmat Ofis, 4. gat, 401
Tel: +993 63 78 96 73 / + 993 12 96 48 55
Elektron poçta salgysy: makulhyzmat@gmail.com