“Altyn globus” baýraklary gowşuryldy

Ki­no dün­ýä­si­niň ab­raý­ly sy­lag­la­ryn­dan bo­lan “Al­tyn glo­bus” baý­rak­la­ry gowşuryldy. 79-nji gezek geçirilýän “Al­tyn glo­bu­s” baýrak gowşurylyş dabarasy Gol­li­wud­da­ky da­şa­ry ýurt­ly žur­na­list­ler bi­le­le­şi­gi (HFPA) tarapyndan gurnalýar.

Bu gezek bu abraýly baýrak gowşurylyş dabarasy koronawirus ýokanjy sebäpli hiç hili çäre geçirilmän, baýraga mynasyp bolanlar yglan edildi.

Baýraga mynasyp bolanlaryň atlary guramanyň “Twitter” jemgyýetçilik torunda ýerleşdirildi.

• Baş baýrak “Itiň güýji” filmine berildi. Jeýn Kempion bu filmi üçin “Iň gowy režissýor” baýragyna maynasyp boldy.
• «Iň gowy komediýa/mýuzikl» kategoriýasynda Stiwen Spilbergiň “Westsaýdyň taryhy” filmi baş baýragy aldy.
• Drama boýunça iň gowy aktýor baýragyna “Korol Riçard” filimdäki keşbi üçin Uil Smit, komediýa ugry boýunça bolsa “Tik-tak… BUM” filmindäki keşbi üçin Endrýu Garfild mynasyp boldy.
• “Iň gowy dramatik keşp” kategoriýasynda heýkeljigi “Rikador bolmak” filmindäki keşbi üçin Nikol Kidman eýeledi. Bu ugruň komediýa/mýuzikl kategoriýasynda Reýçel Zegler baýraga mynasyp görüldi.
• Aýdymçy Billi Aýliş “Iň gowy aýdym” ugry boýunça sylaglandy.
• Filmiň iň gowy aýdymy boýunça “Altyn globus” baýragyna Hans Simmer mynasyp boldy.
• “Disney” studiýasynyň “Enkanto” atly multfilmi “Iň gowy multfilm” hökmünde sylaglandy.
• Daşary ýurt dilindäki iň gowy film boýunça baýraga Ýaponiýanyň “Meniň maşynymyň ruluna geç” atly film mynasyp boldy.
• Telewideniýe bölüminde esasy aktýor baýraklary Keýt Winslet we Maýkl Kitona gowşuryldy.
• 77 ýaşly O Ýen-su “Kalmar oýny” atly filmindäki keşbi üçin ikinji plandaky iň gowy erkek keşbi baýragyna mynasyp boldy.

“Altyn globus” Golliwudyň da­şa­ry ýurt­ly žur­na­list­ler bi­le­le­şi­gi tarapyndan 1944-nji ýyldan bäri film we telewideniýe ulgamynda gowşurylýan sylagdyr. “Altyn globus” baýragy her ýylyň ýanwarynda Golliwudda ýaşaýan 90-a golaý halkara žurnalistiň sesi bilen sylaglanýar.

Magtymguly Pyragyny gören şatut