Türkmenistanyň Daşary işler ministrliginiň Halkara gatnaşyklary institutynda Ýaş diplomatlaryň mekdebi tarapyndan guralýan «Parahatçylygyň ýaş çaparlary» atly akyl-paýhas bäsleşiginiň I saýlama tapgyrynyň 6-njy oýny geçirildi. Bäsleşigiň bu gezekdäki oýny « Osman döwletiniň daşary syýasaty we diplomatiýasy» atly tema boýunça geçirildi.
Akyl-paýhas bäsleşiginiň I saýlama tapgyrynyň 6-njy oýnuna Aşgabat şäherindäki Dil dersleri çuňlaşdyrylyp öwredilýän 87-nji ýöriteleşdirilen orta mekdebiniň 11-nji synp okuwçysy Ogulsoltan Orazberdiýewa, Aşgabat şäherindäki Dil dersleri çuňlaşdyrylyp öwredilýän 87-nji ýöriteleşdirilen orta mekdebiniň 10-njy synp okuwçysy Jennet Akmämmedowa, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy Kakageldi Akmyradow, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy Çynar Garlyýewa, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy Aýjeren Annageldiýewa, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 9-njy synp okuwçysy Ogulbagt Baýryýewa, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy Kerem Durdyýew, Ahal welaýatynyň Kaka etrabynyň daşary ýurt dillerine ýöriteleşdirilen 17-nji orta mekdebiniň 11-nji synp okuwçysy Mähri Ataýewa dagy gatnaşdylar.
Bäsleşige «Pähimdarlar geňeşiniň» agzalary hökmünde Türkmenistanyň Daşary işler ministrliginiň Ýewropa ýurtlary bölüminiň geňeşçisi, Adatdan daşary we doly ygtyýarly Ilçi Nurberdi Amanmyradow, Türkmen döwlet Maliýe institutynyň jemgyýeti öwreniş kafedrasynyň uly mugallymy Ahmet Annaberdiýew, Magtymguly adyndaky Türkmen döwlet uniwersitetiniň dünýä taryhy kafedrasynyň uly mugallymy Şamuhammet Akmyradow dagylar adalatly eminlik etdiler.
Bäsleşigiň ahyrynda emin agzalaryň gelen netijesine görä Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy Aýjeren Annageldiýewa we şol mekdebiň 11-nji synp okuwçysy Kakageldi Akmyradow ýeňijiler diýlip yglan edildi. Bäsleşikde ýeňiji bolan şeýle-de oňa gatnaşan okuwçylara institutymyz tarapyndan degişli şahadatnamalar we hemaýatkärlerden gymmatbahaly sowgatlar gowşuryldy.
«Parahatçylygyň ýaş çaparlary» akyl-paýhas bäsleşiginiň I saýlama tapgyrynyň 6-njy oýnuna Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Milli ýaý atyjylyk federasiýasy, Türkmenistanyň Senagatçylar we telekeçiler birleşmesi, «Abadan haly» açyk görnüşli paýdarlar jemgyýeti, «Aýdyň gijeler» hojalyk jemgyýeti, «Ýedi dogan » hususy kärhanasy «Muhammet Balkan» hem-de «Gündogar şöhlesi» hojalyk jemgyýeti hemaýatkärlik etdiler.
Aýlar Atajykowa
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.