«Airbus» awiakompaniýasy bir ýylyň dowamynda gelen sargytlar boýunça öndürilen uçarlaryň sany boýunça taryhynda ilkinji gezek esasy bäsdeşi bolan ABŞ-nyň «Boeing» kompaniýasyny yzda galdyryp, 2019-njy ýylda birinji orny eýeledi. Bu barada «Reuters» habarlar agentligi ýazdy. 2019-njy ýylda müşderilerine 863 uçary ýollan awiakompaniýa 2011-nji ýyldan bäri ilkinji gezek birinji orna çykdy.
Aýdylyşyna görä, 2019-njy ýyldaky meýilnama 860 uçar eken. 2018-nji ýylda 800 uçar satan kompaniýa 7,9 göterimlik ösüş gazandy.
«Boeing» bolsa geçen ýylyň ýanwar ― noýabr aýlary aralygynda 345 uçar satyp bildi. Iki kompaniýanyň arasyndaky beýle uly tapawudyň döremeginde «Boeing 737 Max» uçarlarynyň şowsuz önümçiligi sebäp boldy.