JEMGYÝET

Aglama Gyzym

“Bu bir dünýe, gelen geçer,
Ha şatlyk, ha gussa seçer.
Bolýandyr beterden, beter,
Aglama gyzym!

Hemme zadyň hasaby bar,
Takdyryň öz hesibi bar,
Ýazgydy bar, nesibi bar,
Aglama gyzym!

Şükür et sag bolsa janyň,
Alajy tapylar malyň,
Gyýylsaň agyr bor halym,
Aglama gyzym!

Bardyr saňa mende ynam,
Bir Haka, özüňe ynan,
Diýselerem şahyr ýanan…
Aglama gyzym!

Şowhuny ýatmasyn törüň,
Şol seni apalap ýörün,
Ýene düýşleriňde gerin,
Aglama gyzym!

Dost-dogan bolsa mydama,
Köp zat gerek däl adama,
Özüňi aýa, ýadama,
Aglama gyzym!

Hasam gözel bolýaň gülseň,
Ýüregim ot alar solsaň…”

…diýerdi ejemjan bolsa,
Aglama gyzym!

Gülşirin HANOWA.

Aşgabat şäheri

 

 

Ýene-de okaň

Gazagystanyň Prezidenti BMG-niň forumy üçin Awaza geldi

Täjigistan Respublikasynyň Prezidenti Türkmenbaşy şäherine geldi

Ata Watan Eserleri

Özbegistanyň Prezidenti Türkmenbaşy şäherine geldi

Ata Watan Eserleri

BMG-niň Awaza maslahatynyň çäklerinde Parlament forumy geçirildi

Türkmen halkynyň Milli Lideriniň Antoniu Guterriş bilen duşuşygy

Antoniu Guterriş: BMG-niň Awaza forumy uly ähmiýete eýedir