Halkara ynsanperwer ylymlary we ösüş uniwersiteti ýurdumyzyň okuwa höwesli ýaşlaryny 2021-nji ýylyň 1-nji maýynda sagat 15:00-da «AÇYK GAPYLAR» gününe çagyrýar. Bu barada “Türkmenistan” gazetinde bildiriş çap edildi.
«Açyk gapylar» gününde ýokary okuw mekdebine gelen ýaşlar hormatly Prezidentimiziň Berkarar döwletimiziň bagtyýarlyk döwründe ýurdumyzda ylmy, bilimi ösdürip, dünýä ülňülerine laýyk getirmek baradaky Kararlarynyň we Permanlarynyň durmuşa geçirilişi, ýokary bilim ulgamynda gazanylýan üstünlikler, ýetilýän sepgitler, uniwersitetde öwredilýän hünärler, täze binadaky döwrebap tehnologiýalar esasynda enjamlaşdyrylan okuw, lingafon, kompýuter otaglary, talyplaryň ylmy we medeni gurnaklary, aýdym-saz we tans toparlarynyň çykyşy, talyplaryň sport bilen meşgullanyşy, umumy ýaşaýyş jaýynda ýaşaýyş şertleri, dil öwreniş bölüminiň işleri bilen ýakyndan tanşyp bilerler.
Salgysy: Aşgabat şäheriniň 1958-nji (Andalyp) köçesiniň 169-njy jaýy.
Habarlaşmak üçin telefon belgileri: 39-85-42; 39-85-13; 39-85-40; 39-85-43; 39-85-28; 39-85-29.