Birleşen Arap Emirlikleriniň iň uly we belli medeni merkezleriniň biri hem Abu-Dabi şäherinde ýerleşýän “Watan” köşgi bolup, ol iňlis diline “Palace of the Nations” diýlip atlandyrylýar. Bu köşk jemgyýet köpçüligi we syýahatçylar üçin açykdyr.
Köşgüň iki ganaty bolup, olar Gündogar we Günbatar ganatyndan ybaratdyr. Köşgüň gurluşygynda esasan üç reňk ulanylýar, ýagny gök, sary, ak reňkler. Her bir reňkiň hem öz manysy bar. Gök reňk arap ýarym aýlagynyň suwuny aňlatsa, sary reňk arap çölüni aňladýar, ak reňk bolsa päkligi we asudalygy aňladýar. Bu köşkde syýahatçylaryň ünsüni çekýän ýene-de bir aýratyn bölegi gündogar ganatynda ýerleşen “Bilimiň öýi” diýip atlandyrylýan kitaphanadyr. Ol ýerde 50000-den gowrak kitap ýerleşýär we ol ýerden okamak üçin kitap almaga ähli mümkinçilikler döredilipdir. Köşgüň günbatar ganatynda bolsa BAE-niň Ýokary geňeşiniň mejlisini geçirmek üçin mejlisler otagy ýerleşen. Ol otagda 350000 kristaldan ýasalan ajaýyp lýustra bar. Mundan başga hem ol ýerde köşge syýahat edýän myhmanlar üçin 300 orunluk banket zaly hem ýerleşendir.