Amerikanyň Birleşen Ştatlarynyň Günorta we Merkezi Aziya boýunça Yörite wekili Serjio Gor Türkmenistana amala aşyran saparynyň çäklerinde Türkmenistanyň daşary işler ministri Raşid Meredow bilen duşuşdy. Bu barada ABŞ-nyň Türkmenistandaky ilçihanasy habar berdi.
Duşuşykda sebitleýin durnuklylyk hem-de ykdysady hyzmatdaşlyk meseleleri boýunça mazmunly gürrüňdeşlik geçirildi. Amerikanyň Birleşen Ştatlary diplomatik hyzmatdaşlyga ýokary baha berýär.
Şeýle hem ilçihananyň habar bermegine görä, Amerikanyň Birleşen Ştatlarynyň Türkmenistandaky ilçisi Elizabet Rud ABŞ-nyň ýörite wekili Serjio Goruň hem-de amerikan we türkmen işewürleriniň gatnaşmagynda
resmi kabul edişlik gurnady.
Amerikanyň Birleşen Ştatlary Türkmenistan bilen howpsuzlygy berkitmäge we abadançylygy ýokarlandyrmaga ýardam edýän ugurlarda ykdysady gatnaşyklary pugtalandyrmaga ygrarlydygyny beýan edýär.