EducationUSA Competitive College Club (CCC) maksatnamasyna resminamalar kabul edilýär
EducationUSA tarapyndan alnyp barylýan Competitive College Club (CCC) maksatnamasyna resminamalar kabul edilip başlandy. Bu maksatnama ABŞ-da bakalawr derejesinde okamaga çynlakaý taýýarlanýan okuwçylar üçin niýetlenip, ABŞ kollejlerine üstünlikli kabul edilmek ýolunda ilkinji möhüm ädimleri ädmäge kömek edýär.
CCC — toparlaýyn (cohort-based) görnüşde geçirilýän maksatnama bolup, gatnaşyjylara şahsy maslahat beriş hyzmatlaryny, testlere taýýarlyk strategiýalaryny, akademiki başarnyklary ösdürmegi hem-de ABŞ kollejlerine ýüz tutuş döwründe meňzeş maksatly deň-duşlar bilen aragatnaşyk gurmak mümkinçiligini hödürleýär.
🔹 Maksatnama doly mugt.
📅 Soňky möhlet: 2025-nji ýylyň 26-njy dekabry, sagat 23:59 (Türkmenistan wagty)
Maksatnamanyň esasy maglumatlary
Formaty: ýüzbe-ýüz (in-person)
Dowamlylygy: 9–10 aý
Türkmenistanly dalaşgärler üçin talaplar
Türkmenistanyň raýaty bolmaly we Aşgabat şäherinde ýaşamaly
Orta mekdebiň 10-njy, 11-nji ýa-da 12-nji synpynda okaýan bolmaly
ABŞ kolležlerine 2027-nji ýa-da 2028-nji ýylyň güýzünde tabşyrmagy meýilleşdirmeli
Iňlis dili derejesi upper-intermediate ýa-da şondan ýokary bolmaly
ABŞ kolležlerini esasy we ilkinji saýlaw hökmünde görmeli
Resminama kabul ediş we saýlama tapgyrlary
1-nji tapgyr: Onlaýn anketa (takmynan 30 minut) — soňky möhlete çenli tabşyrmaly
2-nji tapgyr: Iňlis dili we matematika synaglary — gysga TOEFL we SAT Math testleri
3-nji tapgyr: Söhbetdeşlik — EducationUSA-nyň ýerli maslahatçysy bilen ýüzbe-ýüz interwýu
Wagtyň tertibi
Noýabryň ortasy – 26-njy dekabr 2025: Resminamalar kabul edilýär
Ýanwar 2026-nyň ortasy: 1-nji tapgyryň netijeleri we 2-nji tapgyra çakylyk
Ýanwar 2026-nyň ahyry: 2-nji tapgyryň netijeleri we 3-nji tapgyra çakylyk
2026-njy ýylyň 2-nji fewraly: Jemleýji saýlama we maksatnamanyň başlanmagy
📌 Has giňişleýin maglumat we ýüz tutmak üçin:
👉 https://educationusaregister.online/ccc2026
📧 Soraglar boýunça habarlaşmak üçin:
ashgabat@educationusa.org
ABŞ-da bilim almak maksady bolan okuwçylar üçin Competitive College Club (CCC) maksatnamasy ygtybarly, mugt we netijeli başlangyç mümkinçilik hökmünde görkezilýär.
Mahabat:
Halkara okuw resminamalaryň terjime hyzmaty : Makul Terjime
Daşary ýurtda bilim almak isleýän talyplaryň resminamalaryň dogry we takyk terjime edilmegi wajyp bolup durýar. Şu maksat bilen Türkiýede we dünýäniň dürli künjeginde bilim almak isleýän talyplar halkara okuw resminamalaryň terjimesi ulgamynda ýöriteleşen “Makul Hyzmat” Terjime Merkeziniň Aşgabat şäherindäki merkezlerine ýüz tutup bilerler.
“Makul Hyzmat” Terjime Merkezi
Aşgabat, Oguzhan (Aýtakow)-Ankara (Ýubileýni) köçesi, A Blok,
Makul Hyzmat Ofis, 4. gat, 401
Tel: +993 63 78 96 73 / + 993 12 96 48 55
Elektron poçta salgysy: makulhyzmat@gmail.com