ABŞ-nyň paýtagty Waşingtonda uçar heläkçiligi boldy. Harby dikuçar bilen ýolagçy uçarynyň çaknyşmagy esasynda heläkçilik bolup geçdi we ilkinji maglumatlara görä, 19 ýolagçynyň aradan çykandygy bellenilýär.
Waşingtonuň Ronald Reýgan adyndaky howa menziliniň golaýynda asman giňişliginde “American Airlines” awiakompaniýasyna degişli uçar bilen “Blackhawk” harby dikuçary çaknyşdy.
Pentagonyň habar bermegine görä, ABŞ-nyň 40 kilometr golaýyndaky harby bazasyndan ýokary göterilen harby dikuçar türgenleşik uçuşyny amala aşyrýan eken. dikuçarda 3 sany harby uçarman bar.
Bu heläkçilik soňky onýyllygyň iň uly uçar heläkçiliginiň biri bolup biljekdigi belenilýär. Mundan ozal, 1982-nji ýylda “Air Florida” awiakompaniýasynyň uçary heläkçilige uçrap, 78 adam aradan çykypdy.