Dünýä belli hytaýly kino aktýor Jeki Çan Hytaýda dörän täze wirusa garşy derman serişdesini oýlap tapan adama 1 million ýuan (197 müň dollar) möçberinde pul baýragyny berjekdigini mälim etdi. Bu barada “The Straits Times” gazeti habar berýär.
– ylym we tehnologiýa wirusa garşy göreşmekde möhüm rol oýnaýar. Men ýaly, adamlar hem gysga wagtda bu wirusa garşy dermanyň tapyljakdygyna ynanýar. Bu dermany oýlap tapan kim bolsa-da, isle adam ýa-da gurama bolsun, şoňa minnetdarlyk hökmünde 1 million ýuan pul baýragyny bermek isleýärin – diýip, Jeki Çan “Weibo” atly jemgyýetçilik torundaky hasabyndan mälim etdi.
Çeki Çanyň baş keşpde surata düşen “Awangard” (“Öňde baryjy”) atly täze filminiň görkezilişi iň soňky pursatda täze wirus sebäpli ýatyrylypdy.
Hytaýyň Uhan şäherinde ýüze çykan bu wirusa resmi taýdan “NCP — “täze koronawirus pnewmoniýa» keseli diýlip at berildi. Hytaý bilen bir hatarda dünýäniň ähli ýurdunda bu wirusa garşy göreş alnyp barylýar. Hytaýyň Maliýe ministrligi bu wirusa garşy göreşmek üçin 71,85 million ýuan (10,26 milliard dollar) möçberinde pul serişdesini bölüp berdi. Pul serişdeleri ähli raýatlaryň saglyk hyzmatlary üçin peýdalanylar.