«Dragon Oil» kompaniýasy önümi paýlaşmak baradaky hereket edýän şertnamanyň möhleti tamamlanýan 2035-nji ýyldan soň hem hyzmatdaşlygy uzaltmak barada Türkmenistanyň Hökümeti we «Türkmennebit» döwlet konserni bilen ylalaşyk gazanmagy meýilleşdirýändigini belledi.
Bu barada “Dragon Oil”-iň baş direktory Abdulkarim Al-Maazmi bu barada Aşgabatda geçirilen “Türkmenistanyň nebiti we gazy 2026” (OGT 2026) halkara maslahatynda eden çykyşynda belledi.
Al-Maazminiň bellemegine görä, kompaniýa goşmaça serişdeleri özleşdirmek, nebit çykaryşyny artdyrmak, infrastrukturany döwrebaplaşdyrmak we bar bolan ýataklaryň öndürijilik ömrüni uzaltmak üçin uly mümkinçilikleri görýär.
Ol kompaniýanyň Müsürde we Yrakda barha giňelýän halkara gatnaşygyna garamazdan, Türkmenistanyň “Dragon Oil” üçin esasy üns merkezinde galýandygyny nygtady.
Al-Maazmi 2000-nji ýylyň maý aýynda Türkmenistanda işe başlanyndan bäri “Dragon Oil” kompaniýasy ýurda takmynan 12 milliard dollar maýa goýandygyny we umumy nebit önümçiliginiň 490 million barrelden geçendigini aýtdy.
Onuň bellemegine görä, kompaniýa häzirki wagtda Türkmenistanda takmynan 2200 adamy işe alýar, onuň işçi güýjüniň 93% -ini türkmen raýatlary düzýär. “Dragon Oil” şeýle hem saglygy goraýyş, bilim, medeniýet we ýerli jemgyýeti ösdürmek babatda 200-den gowrak korporatiw durmuş babatly jogapkärçilik taslamalaryny goldady.
“Dragon Oil” kompaniýasy 2000-nji ýylda Hazar deňzindäki “Çeleken” şertnamalaýyn zolagyny özleşdirmäge başlap, Türkmenistanda işläp başlady.