BIZNES

Türkmenistanda 50 müň täze iş orny dörediler

Türkmenistanyň Prezidentiniň degişli Karary bilen tassyklanylan «Türkmenistany senagat taýdan ösdürmegiň 2030 — 2045-nji ýyllar üçin Milli strategiýasyna» laýyklykda, senagatda zähmet öndürijiligini 1,5 esse ýokarlandyrmak, 50 müňe çenli täze iş orunlaryny döretmek, sebitlerde çig mal däl eksporty 2-3 esse artdyrmak, 25 müňe çenli täze kiçi we orta kärhanalary döretmek, kiçi we orta telekeçilikde işleýänleriň paýyny ykdysady taýdan işjeň ilatyň 40 göterimine ýetirmek hem-de kiçi we orta kärhanalaryň eksportyny 2 esse artdyrmak meýilleşdirilýär.

Şeýle hem Türkmenistanyň tehnologiki taýdan ösen kärhanalarynda öndürilýän önümleriň möçberini 100 göterim, şol sanda eksport önümleriniň möçberini 75 göterim artdyrmagyň netijesinde ýurduň durmuş-ykdysady taýdan durnukly ösüşini üpjün etmek göz öňünde tutulýar.

Bu barada şu gün türkmen halkynyň Milli Lideriniň başlyklyk etmeginde geçirilen Türkmenistanyň Halk Maslahatynyň Prezidiumynyň mejlisiniň dowamynda wise-premýer H.Geldimyradowyň çykyşynda bellenildi.

Türkmen halkynyň Milli Lideri hasabaty diňläp, ýurtda dünýä bazarlarynda uly isleg bildirilýän önümleri öndürýän iri kärhanalaryň gurlandygyny belläp, ýurduň häzirki senagat kuwwatynyň mundan beýläk-de ýokarlandyrylmalydygyny aýtdy. Şeýle hem ýurtda täze senagat desgalaryny gurmak, kiçi we orta telekeçiligi ösdürmek arkaly önümçiligiň möçberini artdyrmak boýunça degişli işleri geçirmegi tabşyrdy.

Related posts

Türkmenistanda ilatyň ýaşaýyş-durmuş şertlerini özgertmek boýunça 2028-nji ýyla çenli döwür üçin maksatnama rejelendi

EBRD, Türkmenistan’da % 6,3 ekonomik büýüme öngörüyor

vepa

Türki Döwletleriň Guramasynyň Maýa goýum gaznasy dörediler